Så blir det stilt

 
 

Skuespillere: Tobias Santelmann, Morten Espeland og Håkon Mathias Vassvik


Regi: Torkil Sandsund

Scenografi/kostyme: Dordi Strøm

Omsetjing: Gunnhild Øyehaug

Dramaturg: Kai Johnsen

Lysdesign: Gyril Høgberg

Lyd: Igor Zamarajev

Maske-/parykkdesign: Ingun Ihler Wagner


URPREMIERE: 28. FEBRUAR 2009




 

Så blir det stilt er Arne Lygres siste stykke. Det byggjer vidare på sukessen Mann uten hensikt, og på stykket Dager under som nyleg hadde urpremiere på Teater Momentum i Odense i Danmark.


I Så blir det stilt smeltar uttrykk og innhald saman i ein tett komposisjon. I ti ulike scenar spør Arne Lygre kva rolle mennesket blir tvinga til å gå inn i for å overleva. Scenane er skrivne som konvensjonelle dramatiske dialogar, men er heile vegen akkompangert av ein eigen kommenterande dialog.



Eit farleg spel


Tre utnulla karrakterar oppheld seg på ein ikkje-stad. Dei freistar å formulere verda. Dei driv fram fragment av ei fortid eller visjonar om ei framtid eller kanskje allegoriske analysar av samtida vår. Den verda vi skimtar bak fragmenta, er nevrotisk, prega av begjær, overskridingsstrong og angst. Og teaterstykket er prega av uro, uro for kva retning denne nevrotiske verda kan utvikle seg i.


Så blir det stilt vert sett i scene av duoen Sandsund/Strøm. Torkil Sandsund vart nominert til Heddaprisen for beste regi i 2007 for Tvillingar som gjekk på Prøvesalen på Det Norske Teatret.



NY NORSK


Under vignetten NY NORSK presenterer Det Norske Teatret og teatersjef Vidar Sandem i 2009 tre lovande norske samtidsdramatikarar. Til våren er det Erlend Sandem og Arne Lygre som blir sett opp på Prøvesalen.


Forfattar Arne Lygre har mottatt økonomisk støtte frå Norsk kulturråd til scenetekstarbeidet.


Tobias Santelmann og Morten Espeland.

Alle foto: Kristin Lyseggen

Tobias Santelmann, Morten Espeland og Håkon Mathias Vassvik

Morten Espeland, Tobias Santelmann og Håkon Mathias Vassvik

Morten Espeland

Tobias Santelmann og Morten Espeland

Håkon Mathias Vassvik